តូក្យូ៖ ឯកអគ្គរាជទូតកម្ពុជាប្រចាំប្រទេសជប៉ុនលោក ទុយ រី បានសូមចូលរួមរំលែកទុក្ខ និងសមានចិត្តដ៏ជ្រាលជ្រៅបំផុតជូនចំពោះគ្រួសារសពរបស់អតីតនាយករដ្ឋមន្ត្រីជប៉ុនលោក ស៊ីនហ្សូ អាបេ ព្រមទាំងចំពោះរដ្ឋាភិបាល និងប្រជាជនជប៉ុន។
លោក ទុយ រី បានលើកឡើងថា៖ «មរណៈភាពរបស់ឯកឧត្តម អាបេ គឺជាការបាត់បង់ថ្នាក់ដឹកនាំដ៏ឆ្នើមមួយរូបរបស់ជប៉ុន ដ៏គួរឱ្យសោកសង្រេង និងក៏ជាការបាត់បង់មិត្តភក្តិជាទីគោរពស្រឡាញ់របស់កម្ពុជាផងដែរ។ សូមបួងសួងឱ្យវិញ្ញាណក្ខ័ន្ធរបស់ឯកឧត្តម សីនហ្សូ អាបេ បានទៅកាន់សុគតិភពកុំបីឃ្លៀងឃ្លាតឡើយ»។
គួរឱ្យដឹងផងដែរថាលោក ស៊ីនហ្សូ អាបេ គឺជាអតីតនាយករដ្ឋមន្ត្រីដែលកាន់តំណែងយូរមួយនៅប្រទេសជប៉ុន។ លោកត្រូវបានខ្មាន់កាំភ្លើងបាញ់សម្លាប់ក្នុងពេលលោកថ្លែងសុន្ទរកថាមួយកាលពីព្រឹកមិញសម្រាប់យុទ្ធនាការឃោសនាបោះឆ្នោតសភាជាន់ខ្ពស់ជប៉ុននឹងធ្វើឡើងនៅថ្ងៃអាទិត្យចុងសប្ដាហ៍នេះ៕
